பகுதிநேர சிறப்பாசிரியர்களின் குழப்பத்திற்கு ஓர் விளக்கம்...
அன்பான பகுதிநேர சிறப்பாசிரியர்களே !
கடந்த ஆண்டுகளில் நமது தமிழக பகுதிநேர சிறப்பாசிரியர்கள் சங்கத்தின் சேர்மன் திரு.சோலை M ராஜா அவர்கள் தலைமையில் மாநில அமைப்பாளர் திரு.கு.சேசுராஜா, மாநில துணை அமைப்பாளர் திரு.ஆனந்தராஜ், மாநில செயலாளர் கோவை திரு. ராஜா தேவகாந்த், மாநில பொருளாளர் திரு.நாகை ஜான்சன், மாநில செய்தித் தொடர்பாளர் திரு.பொன்.சங்கர் ஆகியோரின் தொடர்ந்த சீரிய முயற்சியாலும் மற்றும் மாவட்ட நிர்வாகிகளின் ஒருங்கிணைந்தமுயற்சியாலும் ஊதிய உயர்வு, பணியிட மாற்றம், இ.சி.எஸ். ஊதியமுறை ஆகியவற்றை நிறைவேற்றித் தந்துள்ளது.
நமது இடுகைத்தளம் "www.tptsta.blogspot.in" அதாவது "தமிழக பகுதிநேர சிறப்பாசிரியர் செய்திகள்", முகநூல் பக்கம் "www.facebook.com/tnpsta", முகநூல் குழு "திருப்பூர் பகுதிநேர சிறப்பாசிரியர்கள் குழு", வாட்ஸ் அப் செயலி "TPTSTA - NEWS", "TIRUPPUR TPTSTA" ஆகிய இந்த ஊடகங்களின் பணி கடந்த நான்கு ஆண்டுகளில் தமிழகத்திலுள்ள அனைத்து பகுதிநேர சிறப்பாசிரியர்களை கட்டி இழுத்து ஒருங்கிணைத்ததில் மிகப்பெரிய பங்கை ஆற்றியுள்ளது. ஒருங்கிணைந்த நமது சங்கத்தின் வளர்ச்சிக்கு ஊடகத்தின் சக்தி ஆதாரமானது.
எந்த ஒரு நிச்சயத் தகவலானாலும் தமிழக பகுதிநேர சிறப்பாசிரியர்கள் சங்கத்தின் அதிகாரப்பூர்வமான இணையத்தளமான "தமிழக பகுதிநேர சிறப்பாசிரியர் செய்திகள்" -ல் ஆதாரத்துடன் வெளியிடப்படும்.
நமது மிக முக்கிய இலக்கான "பள்ளிக்கல்வித்துறைக்கு மாற்றம் செய்து பணி நிரந்தரம் செய்தல்" மற்றும் "ஊதிய உயர்வுடன் முழுநேரப்பணி" ஆகியவை குறித்து தமிழக அரசிடம் கோரிக்கைகளை நமது சங்கத்தின் சார்பில் ஏற்கனவே முன்வைக்கப்பட்டுள்ளது. தமிழகஅரசு அவற்றைப் பரிசீலித்து ஆவன செய்ய முயற்சித்து வருகிறது.
இதுவரையிலும் நாம் சென்றுகொண்டிருக்கும் சரியான பாதையை கட்டிக்காத்து வெற்றியை ஈட்ட வேண்டிய பொறுப்பும் நம் அனைவருக்கும் உள்ளது.
சங்கத்தின் சீரிய முயற்சியால் அரசின் நன்மதிப்பை நாம் பெற்றுள்ளோம். எனவே, நிச்சயமாக விரைவில் நல்ல செய்தியை தமிழக அரசு அறிவிக்கும் என்ற நம்பிக்கையுடன் காத்திருப்போம்.
இணைந்திருங்கள்.
ஒற்றுமை காப்போம் ! வெற்றி நமதே !
பொன். சங்கர்
மாநில செய்தி தொடர்பாளர்
தமிழக பகுதிநேர சிறப்பாசிரியர்கள் சங்கம்
மாநில செய்தி தொடர்பாளர்
தமிழக பகுதிநேர சிறப்பாசிரியர்கள் சங்கம்
No comments:
Post a Comment